نكتة أدخلت إسماعيل يس مستشفى الأمراض العقلية

كان زمتن 

سنة 1950 كان إسماعيل يس بيحيي حفلةخيرية لصالح مبرة محمد علي في ملهى الاوبرج في شارع الهرم وكان الملك فاروق حاضر الحفلة دي وكبار قادة الدولة وفي الاستراحة الملكية طلب الملك 

إستدعاء إسماعيل يس عشان يقول نكت ويضحكهم ولما وقف إسماعيل يس أدام الملك وطلب منه يقول له نكت إرتبك إسماعيل وبدأ النكتة وقال : مرة واحد مجنون زي جلالتك كدا
وصرخ الملك فيه : انت بتقول ايه ؟؟؟؟
ولما حس سمعة بخطورة الموقف اللي هو فيه إدعى الإغماء وسقط على الارض وحاوطوه رجال الملك في إنتظار الأمر بالعقاب وتدخل يوسف رشاد طبيب الملك الخاص إللي أكد إن سمعة بتجيله حالات ضعف الذاكرة وفقدان الإدراك وإنه محتاج رقابة ورعاية طبية وكان من الملك فاروق إنه أمر بإيداعه مسشتفى الامراض النفسية والعصبية وعلاجه على نفقته الخاصة وقعد سمعة في المستشفى عشر أيام ولما خرج مشي جمب الحيط وفضل في حاله لحد ما قامت ثورة يوليه وكان أول من ساندها بأغانيه زي عشرين مليون وزيادة وأفلامه في الطيران والحربية والبوليس والجيش اللي كانت بإيعاذ من حكومة الثورة لترغيب الشباب وتحفيزهم للحياه العسكرية